ويجز – البخت

أصدر ويجز تراك جديد بعنوان “البخت”بموسيقي من انتاج “راحل”… فيلا بينا نسمع التراك بيقول ايه!

فى تراك البخت بنشوف ويجز جديد بيقدم نوع مختلف عن اللى كنا بنسمعه من بدايه ظهورة فى المشهد… هنا بنسمع ويجز بيغنى بوب لأول مره فى تاريخه الفني، و بالرغم انها تجربة جديده على ويجز بس كأنت مألوفة علينا بنسبه كبيره بسبب إصدارات ويجز المتنوعه خصوصاً “حورية” و “كان نفسي”…

سحرتنى ولا سحرتلي

وعيون مش محتاجه تسحرلي

ومش عايزة تجيبنى بس جابتني

ونسيتنى وفى قصتي حبستني

وبالرغم ان التراك بوب بس الكلمات من كتابه ويجز وده اكيد ساب مساحه أكبر لويجز يعبر فيها عن نفسه… و التراك بيحكى عن نهايه علاقة عاطفيه أنتهت و توابع النهايه دى عليه بكلمات مميزة و قوافي متنوعه.

التراك حقق شهرة كبيرة على مواقع التواصل الاجتماعى من وقت اصدارة و قدر يوصل لمليون مشاهدة على موقع يوتيوب فى ١٢ ساعه بس و يحتل التريند رقم ١ فى مصر على مواقع التواصل الاجتماعي!