سنة على عودة مروان بابلو للمشهد… و اختفائه!

مرت سنة على عودة مروان بابلو المفاجئة لمشهد الراب المصري بكليب “غابه” من انتاج البطرون و اخراج سليم الصادق… 

وقتها فى ساعات قليله قدر بابلو يتصدر التريند على كل مواقع التواصل الاجتماعى و الفيديو وصل للترند رقم 7 على مستوى العالم كأول تراك راب مصري يوصل للرقم ده و المنتج الفني بشكل عام كان على مستوي عالى من الجودة.

بعدها بفترة أعلن بابلو عن أصدار الـ EP الأول الخاص بيه “CTRL” المكون من 5 تراكات و قدر يحقق بيه نجاح كبير على كل منصات الاستماع المختفلة… بس للأسف بعدها بابلو اختفى عن المشهد لحد دلوقتي!

اختفاء بابلو لحد دلوقتى ملهوش اى اسباب ظاهره خصوصاً أن في كان فيه تسريبات ان فيه فيديو كليب لتراك “كنترول” فى مرحلة التصوير و شوفنا صور من مواقع التصوير بس للأسف الكليب ده لم يتم إصداره بشكل رسمي… و مفيش اى تصريحات من بابلو بتوضح عن نيته فى الاعتزال تانى…

نأمل أن اختفاء الاب الروحي للتراب الفترة دى كلها هيتبعة عوده قويه من تانى للمشهد لأن مروان بابلو كان واحد من أهم الرابرز حالياً و بيضيف كتير للمشهد!